Ի՞նչն է եղել ահաբեկչության պատճառը

Հայաստանից Էստոնիա ներգաղթած, 57-ամյա Կարեն Դրամբյանը  երեկ ներխուժել էր Էստոնիայի պաշտպանության նախարարություն եւ կրակ է բացել երկու ատրճանակից: Նա իր հետն ունեցել է նաեւ  հարյուրի չափ փամփուշտ եւ  պայթուցիկ նյութեր:Էստոնիայի վարչապետ Անդրուս Անսիպը էստոնական մամուլին տված հարցազրույցում  Կարեն Դրամբյանին համեմատել է Նորվեգիայում ահաբեկչություն իրականացրած  Անդերս Բրեյվիկի հետ: Նա նաեւ տեղեկացրեել է, որ Դրամբյանը նախկինում եղել է ոստիկանության ուշադրության կենտրոնում:
 Ենթադրվում է, որ հենց նորվեգացի ահաբեկիչն է ոգեշնչել Դրամբյանին:Թեեւ նրա շրջապատից ոմանք կարծիք են հայտնել, թե նրա այդ քայլը կարող է ուղղված լինել էստոնական իշխանություններին, սակայն ինքնասպան ահաբեկիչը որեւէ քաղաքական պահանջ չի ներկայացրել: Պատճառները կարող են նաեւ անձնական լինել. իրավաբան Կարեն Դրամբյանը  զրկված էր մասնագիտությամբ աշխատելու հնարավորությունից, քանի որ էստոներենի իմացության տեղեկանք չուներ:Կասկածի տակ է առնվում նաեւ նրա ինքնասպան լինելու հանգամանքը. չի բացառվում, որ նա կարող է մահացած լինել ոստիկանների գործողությունների արդյունքում: