Ի՞նչն է Արարատի մարզում 28 երեխայի թունավորման պատճառը. դպրոցկաններից մեկի վիճակը ծանր է

Արդեն հայտնել ենք, որ այսօր ժամը 13.17-ին տեղեկատվություն է ստացվել, որ Արարատի մարզի Բաղրամյան գյուղի դպրոցի 5-րդ դասարանի 20 երեխա թունավորման նախանշաններով տեղափոխվել է Արտաշատի ԲԿ:

Yerkir.am-ի տեղեկություններով՝ թունավորվան ախտանիշներով հիվանդանոց են տեղափոխվել ոչ միայն Բաղրամյանի, այլևս մարզի Այգեզարդ, Բերքանուշ և Դալար գյուղի երեխաներ, որոնք բոլորն էլ թունավորվել են դպրոցում: Նախնական տեղեկություններով՝ պատճառը եղել է նրբերշիկը:

Yerkir.am-ի հետ զրույցում Արտաշատի բժշկական կենտրոնից հայտնեցին, որ ներկայումս հիվանդանոցում 28 երեխա է գտնվում, որոնցից միայն մեկի վիճակն է ծանր:

«Երեխաներին սիստեմա են միացրել, վիճակները գնալով բարելավվում է»,-մեզ հետ զրույցում հայտնեց բժիշկը: