65 տարի բեմում

Օգոստոսի 15-ին լրանում  է լեգենդար դուդուկահար Ջիվան Գասպարյանի  բեմական գործուներության 65 տարին, որը վարպետը կնշի  Ա. Սպենդիարյանի Օպերայի և բալետի ազգային ակադեմիական թատրոնում:

Համերգին վարպետը խոստանում է հանդես գալ նոր մեղեդիների ու իր իսկ հեղինակած երգերի կատարումներով, որոնք դեռևս չեն հնչել:«Վաղուց Երևանում համերգ չէի տվել և այս տարի որոշեցի, յուրովի ներկայանալ հայ հանդիսատեսին:Կարծում եմ, որ նման համերգ դեռևս չի եղել, սա իր տեսակի մեջ անկրկնելի է»,-ասաց Ջ. Գասպարյանը`հավելելով, որ iնքը աշխարհի ամենաերջանիկ մարդն է, քանի որ շուրջ 65 տարի ներկայացրել է հայ ազգի դիմագիծը:

 Համերգին իրենց կատարումներով հանդես կգան լավագույն երաժիշտներ ու հանրահայտ երգիչներ` Ջիվան Գասպարյան կրտսերը, Աննա Մաիլյանը, Արմեն Բաբախանյանը և այլք:

Ջիվան Գասպարյան կրտսերի խոսքերով մարդ միշտ սովորելու կարիք ունի  իր մեծերից.«Ես էլ շատ բան եմ սովորել իմ վարպետից և իմ հաջողությունների համար պարտական եմ նրան»,-նշեց դուդուկահարը:

Համերգի կազմակերպիչ Թովմաս Մարտիրոսյանն էլ հավելեց, որ համերգից հետո նախատեսվում է վարպետի ձայնասկլավառակի շնորհանդեսը: «Սպասվում է նաև համերգ Գյումրիում, սակայն մի տարբերությամբ, որ այնտեղ տոմսերը չեն վաճառվելու»,-ավելացրեց Մարտիրոսյանը:

Երաժիշտ Արմեն Բաբախանյանր խոսելով նախատեսվող համերգից, ասաց, որ մեծ սիրով է ընդունել Ջ. Գասպարյանի առաջարկը:

Հարցին , թե արդյո՞ք  համերգից հետո Ջ. Գասպարյանը պատրաստվում է լքել բեմը. վարպետը պատասխանեց.«Ես բեմը նպատակ չունեմ թողնել, ուղղակի ցանկանում եմ հանգիստ կյանք վարել»:

Պերճուհի Գեւորգյան