Համահայկական խաղերի մարզաձևերի վիճակահանությունը մեկնարկեց

Այսօր Շախմատի տանը  մեկնարկեց Համահայկական 5-րդ  խաղերի՝ բաստկեբոլ, վոլեյբոլ, ֆուտբոլ և ֆուտզալ մարզաձեւերի վիճակահանությունը: Վիճակահանությամբ պարզ կդառնան ենթախմբերը և անցկացման վայրերը:

«Այս տարի խաղերի անցկացման համար ընտրվել ենք լավագույն մարզադաշտերն ,մարզադահլիճներն ու լողավազանները»- ասաց 5-րդ համահայկական խաղերի գլխավոր մրցավար եւ սպորտի երիտասարդության հարցերի նախարարության վարչության պետ Եղիշե Դավթյանը: 

Մասնավորապես Համահայկական խաղերն անց կկացվեն՝ Դավիթ Համբարձումյանի անվան լողավազանում, Հայ-Սլավոնական համալսարանի սպորտային դահլիճում, Ֆուտբոլի ակադեմիայում, «Միկա» համալիրում, ինչպես նաև Աբովյանի քաղաքային մարզադաշտում: