Իտալահայ արվեստագետի առաջին ցուցահանդեսը` հայրենիքում

Օգոստոսի 8-ից  «Բյուրոկրատ» գրախանութում կբացվի  իտալահայ քանդակագործ, նկարիչ `Սևակ Գրիգորյանի «Մոնոտիպեր»  խորագրով ցուցահանդեսը:

Արվեստագետը բազմիցս  եղեկ է Հայաստանում, բայց երբևէ ցուցահանդես կազմակերպելու մտադրություն չի  ունեցել , բայց այս որոշել է համագործակցել  «Բյուրոկրատ» գրախանութի  հետ եւ կազմակերպել իր հայրենիքում իր առաջին անհատական ցուցահանդես: «Ցուցահանդեսին կներկայացվեն թվով 10-15 աշխատանք`գրաֆիտիի տեսքով:Իսկ թեման կլինի Ցեղասպանությունը»,-նշեց Ս. Գրիգորյանը հավելելով, որ առաջիկայում նախատեսվում է ցուցահանդեսի աշխատանքների հիման վրա նկարահանել Ֆիլմ: «Ֆիլմ նկարելու գաղափարը կա, մնում է գտնել մարդկանց , ովքեր կաջակցեն և կհամագործակցեն մեզ հետ: Հնարավոր է ֆիլմի շրջանակներում համագործակցություն նաև  իտալացի արվեստագետների հետ»,-ասաց նա:

«Բյուրոկրատ» գրադարանի տնօրեն Արմինե Շահբազյանն էլ հիշեցրեց, որ իրենց գրախանութում ցուցահանդեսներ պարբերաբար են կազմակերպվում: «Այսօր կան երիտասարդ արվեստագետներ, ովքեր չունենալով համապատասխան պայմաններ չեն կարողանում ներկայացնել իրենց աշխատանքները, իսկ մեր նպատակն է աջակցել նրանց, հնարավորություն ընձեռելով առաջ գնալ»,-ասաց Ա. Շահբազյանը:

Ս.Գրիգորյանը ր 2 անհատական ցուցահանդես է ունեցել նաև Իտալիայում: «Առաջին ցուցահանդեսի թեման Սալոմեն է եղել, որտեղ փորձել եմ անել անհնարինն, ներկայացնելու Սալեմեյի իսկական կերպարը, իսկ երկրորդ ցուցահանդեսը նվիրված էր Մեծ Եղեռնի նահատակված երեխաների հիշատակին: Ցուցահանդեսի նպատակն այն էր, որ ամբողջ աշխարհին կրկին մեկ անգամ հիշեցնենք 1915թ սարսափելի ոճրագործության մասին, ինչը երբեք չենք մոռանա և չենք ների»,- պատմեց արվեստագետը:

Հարցին,  թե այօր արվեստը քաղաքականացվում է, թե ոչ Ս.Գրիգորյանը պատասխանեց. «Քաղաքականությունն այսօր դարձել է կեղտոտ մի խաղ, որտեղ ամեն ինչ ստի և կեղծիքի վրա է հիմնված, իսկ արվեստում ամեն ինչ այլ է, այստեղ ուրիշ աշխարհ է, այստեղ մարդ կարող է գտնել միայն  սեր և բարություն»:

Ցուցահանդեսը կտեւի մինչեւ օգոստոսի 30-ը:

Պերճուհի Գեւորգյան