ՀԱՅԱՑՔ. Զինվորը մահացել է կենտրոնական հավաքակայանում արված պատվաստման հետեւանքով

Կոտայքի մարզի Հրազդան քաղաքի Մաքրավանք թաղամասի բնակիչ` 1992թ. ծնված Արթուր Մաքսիմի Ղազարյանը 2010թ. նոյեմբերի 10-ին Հրազդանի զինկոմիսարիատից զորակոչվում է պարտադիր ժամկետային ծառայության (ԼՂՀ, Ասկերան):

Երեւանում` կենտրոնական հավաքակայանում, կատարում են ԿԿԽ, ԱԴՄ-Մ, պնեւմո-23, որովայնային տիֆի, տուլարեմիայի, հեպատիտ A-ի պատվաստումներ, որից հետո թեեւ Արթուրի ինքնազգացողությունը վատանում է, այնուամենայնիվ, նորակոչիկների հետ նրան տանում են ԼՂՀ:

Դեկտեմբերի 5-ին Արթուրի առողջական վիճակը կտրուկ վատանում է, նրան տեղափոխում են Ստեփանակերտի զինվորական հոսպիտալ, որտեղ նախնական ախտորաշմամբ հայտնաբերվում է Լանդրի-Գիեն-Բարեի համախտանիշ: Հաջորդ օրը ռեանիմոբիլով Արթուրին տեղափոխում են Երեւանի կենտրոնական զինվորական հոսպիտալ, սակայն նրա կյանքը փրկել չի հաջողվում: