Եգիպտացի նախարարները երդվելու են

Այսօր Եգիպտոսում տեղի է ունենալու նոր կառավարության երդման արարողությունը: Նորանաշանակ նախարարների մեծ մասը եգիպտական քաղաքականության մեջ նոր դեմքեր են. տեղեկացնում է mignews.com-ը:

Ժամանակավոր կառավարությունը` Ռազմական խորհուրդը, մասնավորապես բավարարել է ցուցարարների` քաղաքական եւ տնտեսական բարեփոխումներ իրականացնելու պահանջները:

Ցուցարարները, որոնք հուլիսի 8-ից Կահիրեի Թահրիր հրապարակում վրանայաին ճամբար են խփել, հայտարարել են, որ կառավարությունից վճռական քայլեր են պահանջում, այդ թվում` Հոսնի Մուբարաքի նկատմամբ արագ դատավարություն:

Մուբարաքի փաստաբանն ասել է, որ նախկին նախագահը, որն ապրիլից գտնվում է Շարմ աշ Շեյխի հիվանդանոցում, կոմայի մեջ է, սակայն հիվանդանոցի աշխատակիցները եւ առողջապահության նախարարը հերքել են այդ տեղեկությունը: