Խոփը քարին դեմ առավ

Գեներալ Մանվել Գրիգորյանի թիկնապահները, որ Էջմիածնում հայտնի ե

Էջմիածնի Լեռնամերձ գյուղի նախկին բնակիչ Հայկոն, որն արդեն երկար տարիներ բնակվում է Մոսկվայում եւ քրեական աշխարհում հայտնի «օրենքով գող» Դեդ Հասանի մերձավոր շրջապատից է, ավտոմեքենան «մանվելականների» քիմքին ոչ հաճելի վայրում կայանելուց հետո, իր հասցեին անպարկեշտ արտահայտություն է լսում  եւ մոտում է նրանց` պարզելու, արդյո՞ք, իրեն նկատի ունեին:

Մանվելականները, մտածելով, որ նա Էջմիածնի շարքային քաղաքացի է, որոշում են կարգազանցին պատժել եւ հաշվեհարդար տեսնել նրա հետ: Սակայն պարզվում է, որ իրենց դիմաց կանգնածն ինքն է ի զորու պատժել «պատժիչների»՚:  Բուռն խոսակցության արդյունքում «մանվելականները» հեռանում են՝ հետ վերադառնալու սպառնալիքով: Սակայն ավելի ուշ գեներալին  պարզ է դառնում, որ իր տղաները  հայհոյել են մի մարդու, որը ոչ միայն շարքային քաղաքացի չէ, այլեւ ի վիճակի է հաշիվ պահանջել իրեն հայհոյելու համար: 

Ցավալի է, որ անպատժելիության մթնոլորտը փոխում են ոչ թե մեր իրավապահները, այլ Մոսկվայից ժամանած  քրեական հեղինակությունը, ում մասին, չափը կորցրած «մանվելականներից» հոգնած էջմիածինցիները արդեն հարգանքով ասում են. «Կարգին տղա էր»: