Փաշինյանի՝ վարչապետին ոչ վայել գրառումը․ ի՞նչ է պատասխանել քահանային

Նիկոլ Փաշինյանը հերթական հակաեկեղեցական գրառումն է կատարել՝  անուղղակի պատասխանելով Տեր Զարեհ քահանա Աշուրյանի գրառմանը, որում նշում է, թե պատրաստ է ապացուցել, որ ինքը թլպատված չէ․

«Կտրիճ Ներսիսյանի խոսնակը հրապարակում է արել, թե ես իբր թլպատված եմ։

Պատրաստ եմ ընդունել Կտրիճ Ներսիսյանին ու իր խոսնակին եւ ապացուցել հակառակը։

Իսկ ինքը թող ի վերջո պատասխանի հարցին, կուսակրոնության ուխտը խախտե՞լ է, թե ոչ։ Զավակ ունի՞, թե ոչ»։

Բանն այն է, որ Տեր Զարեհ քահանա Աշուրյանը գրառում էր կատարել, նշելով, որ Առաքելական Սուրբ Եկեղեցին պետք է րոպե առաջ մաքրել ազգադավ, նախնյաց հիշատակը անարգած, մկրտության ուխտը դրժած և Սուրբ Դրոշմի կնիքը թլպատության նշանով փոխած կեղծ «հավատացյալներից»․

«Կարծում եմ, որ մեր Առաքելական Սուրբ Եկեղեցին պետք է րոպե առաջ մաքրել ազգադավ, նախնյաց հիշատակը անարգած, մկրտության ուխտը դրժած և Սուրբ Դրոշմի կնիքը թլպատության նշանով փոխած կեղծ «հավատացյալներից»:

Հուդան էլ 12-ից մեկն էր և իեն համարում էր Քրիստոսի հետևորդ, բայց 30 արծաթն ավելին էր քան իր հավատքը:

Եթե սրա հոգևոր հայրը հուդան էչ, թող հռչակի իր հոգևոր հոր անունը:

Ժամանակակից «հուդա իջևանցին» բոլոր առումներով ուզում է գերազանցել իր հոգևոր նախահորը՝ հուդա իսկարիովտացուն»: