Դե ինչ, արդեն մեկնարկել է Copa America կոչվող ֆուտբոլի մրցաշարը, այլ կերպ ասած` Հարավային Ամերիկայի առաջնությունը: Պետք է ասել, որ այն այս անգամ չի արդարացնում ֆուտբոլասերների սպասելիքները:
Ա խմբի առաջին մրցափուլում Արգենտինայի` գերհզոր կազմով հանդես եկող հավաքականը միայն Կուն Ագուերոյի հրաշք գոլի շնորհիվ կարողացավ փրկել հանդիպումը` 1-1: Այս խմբի մյուս խաղում` անհետաքրքիր մրցավեճում, Կոլումբիան կարողացավ նվազագույն` 1-0 հաշվով առավելության հասնել մրցաշարի հյուր Կոստա Ռիկայի հավաքականի նկատմամբ (ի դեպ, հրավեր էր ուղարկվել նախ Իսպանիային, այնուհետև` Ճապոնիային, սակայն երկու երկրներն էլ մերժել էին, իսկ Կոստա Ռիկան մեծ սիրով ընդունել էր հրավերը):
Եթե մեկնարկն էր այսպիսին, էլ ինչ կարելի էր սպասել հետագա զարգացումներից:
Նախ Բրազիլիայի հավաքականը ձախողվեց` չկարողանալով հաղթել համեստ վենեսուելացիներին եւ խաղը ավարտելով խաղաղ ելքով, այնուհետև ուրուգվայցիները նույն արդյունքը գրանցեցին Պերուի հետ խաղում:
Երեկ ուշ երեկոյան Արգենտինան կրկին անհաջող ելույթ ունեցավ` այս անգամ միավորներ կիսելով կոլումբացիների հետ:
Խումբ A
- 1 Կոլումբիա 2 4
- 2 Արգենտինա 2 2
- 3 Բոլիվիա 1 1
- 4 Կոստա Ռիկա 1 0
Խումբ B
- 1 Բրազիլիա 1 1
- 2 Վենեսուելա 1 1
- 3 Պարագվայ 1 1
- 4 Էկվադոր 1 1
Խումբ c
- 1 Չիլի 1 3
- 2 Պերու 1 1
- 3 Ուրուգվայ 1 1
- 4 Մեքսիկա 1 0