Ստուգում են Եղիազարյանի բանկային հաշիվների օրինականությունը

Ազգային հակակոռուպցիոն հանձնաժողովը ԱՄՆ արդարադատության նախարարությանը  դիմում է ուղարկել`  Պետդումայի պատգամավոր Աշոտ Եղիազարյանի եւ նրա հարազատների բանկային հաշվեհամարների օրինակությունը ստուգելու վերաբերյալ: Այս մասին հաղորդում է «Ինտերֆաքսը»:

Հանձնաժողովի ղեկավար Կիրիլ Կաբանովը նշել է, որ Եղիազարյանի բանկային հաշիվների օրինականությունը պետք է ստուգվի G8-ի հակակոռուպցիոն բոլոր ծրագրերի շրջանակներում, քանի որ խոսքը վերաբերում է ՌԴ խորհրդարանի ներկայացուցչին, ով երկար ժամանակ գտնվում է ԱՄՆ-ի տարածքում, եւ նրա դեմ հարուցված է քրեական գործ:

Պետդումայի պատգամավոր Աշոտ Եղիազարյանը մեղադրվում է Ռուսաստանում առանձնակի խոշոր չափի խաբեություններ կատարելու մեջ, եւ 2010-ի նոյեմբերից դաշնային, իսկ դեկտեմբերի վերջից միջազգային հետախուզման մեջ է:

2011-ի մարտին Պետդուման Եղիազարյանին ձերբակալելու համաձայնություն է տվել եւ զրկել է պատգամավորական անձեռմխելիությունից:

Այս տարվա մայիսին Ինտերպոլը Եղիազարյանին փնտրվողների իր բազայում է ներառել: