Օբաման կհայտարարի Աֆղանստանից զորքերը դուրս բերելու մասին

ԱՄՆ նախագահ Բարաք Օբաման ծրագրում է մինչեւ 2011-ի ավարտը Աֆղանստանից դուրս բերել մոտ 10 հազար զինծառայող. ըստ Associated Press-ի` տեղեկացրել է Սպիտակ տան պաշտոնական ներկայացուցիչը:

Նաեւ նշվել է, որ 2012 թվականի վերջին ամերիկյան զորակազմն այդ երկրում կկրճատվի 30 հազար մարդով: Այս մասին Օբաման պատրաստվում է հայտարարել այսօր` ամեն շաբաթ ժողովրդին ուղղվող իր ելույթում:

Ներկայումս Աֆղանստանում տեղակայված է 100 հազար ամերիկացի զինծառայող: ԱՄՆ-ի ծրագիրն անմիջականորեն կապված է  Աֆղանստանում անվտանգության ամբողջ վերահսկողությունը 2014 թվականի վերջին տեղի իշխանություններին հանձնելու միջազգային նախագծի հետ: