ԱՄՆ-ը այս ամառ զորքերը դուրս է բերելու Աֆղանստանից

ԱՄՆ-ը Աֆղանստանում լուծել է ռազմավարական խնդիրների մեծ մասը. երեկ մի քանի հեռուստաալիքների հետ զրույցում հայտարարել է ԱՄՆ նախագահ Բարաք Օբաման:

«Մենք ոչնչացրինք Ուսամա բեն Լադենին, ջախջախեցինք «Ալ Քաիդա»-ն, կայունացրինք իրադրությունը Աֆղանստանի մեծ մասում այն աստիճան, որ «Թալիբանը» չի կարողանա ուժեղացնել իր դիրքերը: Այդպիսով` ժամանակն է ընդունել, որ մենք կատարել ենք մեր առաքելության խնդիրների մեծ մասը: Նաեւ ժամանակն է, որ աֆղանցիներն իրենց վրա վերցնեն երկրում իրադրության համար պատասխանատվությունը»,- ասել է նա:

Նախագահը չի մանրամասնել, թե ինչ խնդիրներ էին դրված զորակազմի առջեւ եւ որոնք են մնացել չլուծված: Միաժամանակ նախագահը հաստատել է Աֆղանստանից այս ամառ զորքերը դուրս բերելու մտադրությունը. տեղեկացնում է «Նովոստի» գործակալությունը:

Ներկայումս Աֆղանսատնում տեղակայված է մոտ 100 հազար ամերիկացի զինծառայող: