Ծնունդներն ավելանում են, մահացությունը՝ նվազում

Արցախում այս տարվա մայիսին ավելի շատ երեխա է ծնվել, քան անցյալ տարի նույն ժամանակահատվածում:

ԼՂՀ ազգային վիճակագրական ծառայության տվյալներով` մայիսին հանրապետությունում ծնվել է 240 երեխա` 2010թ. մայիսին ծնված 221 երեխայի դիմաց: Մահացածների թիվը կազմել է 99 մարդ՝  2010թ. համապատասխան ժամանակաշրջանի համեմատ նվազելով 13 մարդով:

Բնակչության բնական աճը կազմել է 141 մարդ եւ, 2010թ. մայիս ամսվա համեմատ, աճել է 32 մարդով:

2011թ. մայիս ամսին հանրապետությունում գրանցվել է 49 ամուսնություն, ինչը 2-ով պակաս է 2010թ մայիսին գրանցված ամուսնությունների թվից, ամուսնալուծությունների թիվը 2011թ. եւ 2010թ. հաշվետու ամսում կազմել է, համապատասխանաբար, 10 եւ 11:

Մայիսին ԼՂՀ-ում պաշտոնապես հաշվառված եկողների թիվը (առանց ներքին միգրացիայի) կազմել է 89 մարդ, իսկ մեկնողների թիվը` 64: