Ռուսաստանը Իրանին օգնելու է արբանյակներ արտադրել

Իրանի տիեզերական գործակալությունը դիմել է Ռուսաստանին` խնդրելով աջակցել նոր սերնդի արբանյակների ստեղծման եւ տիեզերական ծրագրերում իրանցիների ներգրավման հարցում. տեղեկացնում է «Մեհր» գործակալությունը:

ՌԴ կապի եւ զանգվածային հաղորդակցությունների նախարար Իգոր Շչոգոլեւի հետ հանդիպման ժամանակ իրանցի պաշտոնյաները կոչ են արել ընդլայնել համագործակցությունն այդ բնագավառում: Խոսքն, առաջին հերթին, Iransat արբանյակի ստեղծման մասին է, որի վերաբերյալ արձանագրությունը ստորագրվել է դեռեւս 2 տարի առաջ:

Կողմերը պայմանավորվել են, որ համատեղ աշխատանքային խումբն ամեն 6 ամիսը մեկ նիստ է անցկացնելու` քննարկելու համար արձանագրության մանրամասները: Ռուս նախարարը նաեւ հայտարարել է, որ Մոսկվան պատրաստ է համագործակցել Իրանի հետ կապի ոլորտում, եւ խոստացել է, որ կօգնեն Իրանին փոքր արբանյակների արտադրության գործում: