Հիմնավորվել է, որ զբաղվել է համասեռամոլությամբ

ՀՀ գլխավոր դատախազությունից հայտնում են, որ նախաքննությամբ ձեռք բերված ապացույցներով հիմնավորվել է, որ 2004-2010թթ. ընթացքում «Մեթլ փրինս Էլ Թի Դի կորպորացիա»-ի նախագահ, Ախթալայի լեռնահարստացուցիչ կոմբինատի գլխավոր տնօրեն Սերոբ Տեր-Պողոսյանը իր հետ համասեռամոլությամբ զբաղվելու ու սեքսուալ բնույթի այլ գործողություններ կատարելու համար Ախթալա քաղաքի անչափահասներից ընտրել է առավել խոցելի` նյութապես անապահով խավի, ծնողազուրկ, հիմնականում` հայր չունեցող բարետես տղաների եւ նրանց առաջին իսկ հանդիպման ժամանակ գայթակղելու համար անհատույց տվել է մինչև 100.000 դրամի հասնող գումարներ: Նա սեռական հասունության չհասած տղաների հետ, նրանց կամքին հակառակ, զբաղվել է համասեռամոլությամբ և սեքսուալ բնույթի այլ գործողություններով:

Հարուցված քրեական գործի նախաքննության շրջանակներում Սերոբ Տեր-Պողոսյանին մեղադրանք է առաջադրվել ՀՀ քրեական օրենսգրքի 139-րդ հոդվածի 2-րդ մասի 3-րդ կետով և 3-րդ մասով (նախատեսում է ազատազրկում, համապատասխանաբար, 4-10 և 8-15 տարի ժամկետով):