Գերմանիան հրաժարվում է միջուկային էներգիայից

Գերմանիայի կառավարությունը որոշում է ընդունել չեզոքացնել երկրում գործող բոլոր ատոմակայանները. մինչեւ 2022 թվականը ոչ մի ատոմակայան չի լինի. հաղորդում է BBC-ն:

Ավելի վաղ էներգետիկ քաղաքականության հարցերով էթիկայի հանձնաժողովը կառավարությանը առաջարկել էր լիովին հրաժարվել ատոմային էներգիայից: Հանձնաժողովի անդամները կարծիք էին հայտնել, որ ատոմակայանների փակման հետեւանքով առաջացած էներգիայի պակասը կարելի է լրացնել` այլ աղբյուրներից էներգիա ստանալով:

Գերմանիայի հասարակությունը նույնպես կողմ է այս որոշմանը. օրեր առաջ ատոմակայանների շահագործման դեմ բողոքի ակցիաներ էին անցկացվել 21 քաղաքում. փողոց էր դուրս եկել մոտ 160 հազար մարդ: