"Տոկիո էլեկտրիկ փաուերի" նախագահը հրաժարական է տվել

Ճապոնիայի խոշորագույն էներգետիկ ընկերության` «Տոկիո էլեկտրիկ փաուերի» նախագահ Մասատակա Սիմիձուն այսօր հրաժարական է տվել` իր վրա վերցնելով «Ֆուկուսիմա-1» ատոմակայանում տեղի ունեցած վթարի պատասխանատվությունը:

Սպասվում է, որ ընկերությունը կհայտարարի նաեւ իր կորուստների ծավալի մասին, որը, ըստ տեղական ԶԼՄ-ների, գնահատվում է 1,2-1,5 տրիլիոն իեն (մոտ 18,5 մլրդ դոլար):

Ճապոնիայի հւոսիսարեւելյան շրջաններին, ներառյալ` Տոկիոն, էներգիա մատակարարելու մենաշնորհ ունեցող ընկերությունը երբեւէ նման հսկայական կորուստներ չի կրել: Այդ գումարում ներառվում են նաեւ վթարի հետեւանքների վերացման հետ կապված ծախսերը: Ընկերությունը ստիպված կլինի փոխհատուցում վճարել նաեւ ատոմակայանի վթարից տուժածներին, վարակված գոտու գյուղացիներին, ձկնորսներին, գործարարներին: