Էլիզաբեթ Երկրորդը կայցելի Իռլանդիա

Այսօր Իռլանդիա է ժամանելու Մեծ Բրիտանիայի և Հյուսիսային Իռլանդիայի Միացյալ Թագավորության թագուհի Էլիզաբեթ Երկրորդը: Այցի կապակցությամբ Իռլանդիայում անվտանգության աննախադեպ միջոցառումներ են իրականացվում: Իռլանդացի ծայրահեղականները թագուհուն մեղադրել են «ռազմական հանցագործությունների» մեջ և հայտարարել, որ չեն ցանկանում նրան տեսնել իրենց հողում։

Թագուհու անվտանգությունն ապահովելու համար ծախսվել է 26 մլն ֆունտ (մոտ 42 մլն դոլար). հաղորդում է BBC-ն։

90 տարի առաջ Իռլանդիայի անկախացումից հետո Մեծ Բրիտանիայի թագուհին առաջին անգամ է այցելելու այդ երկիր: Նա հնարավոր է` ծաղկեպսակ դնի Իռլանդիայի անկախության համար զոհվածների հիշատակին նվիրված հուշարձանին։

Իռլանդիայի քաղաքական գործիչները, ընդհանուր առմամբ, դրական են գնահատում թագուհու այցը՝ համարելով, որ դա կնպաստի երկու երկրների հարաբերությունների բարելավմանը։