Թուրքիան 3 ամիս էլ չի դիմանա

Քրդերի` Թուրքիայում ցմահ բանտարկության դատապարտված առաջնորդ Աբդուլլահ Օջալանը, ըստ CNNturk-ի, հերթական հայտարարությունն է արել` հիշեցնելով, որ հունիսի 15-ին լրանում է ՔԲԿ-ի կողմից միակողմանիորեն հռչակված զինադադարի ժամկետը, եւ եթե թուրքական իշխանություններն իրենց հետ համաձայնության չգան, պատերազմ կսկսվի:

«Եթե բախումներ սկսվեն, թուրքական կառավարությունը անգամ 3 ամիս չի դիմանա»,- հայտարարել է քուրդ առաջնորդը եւ ավելացրել, որ համաձայնության ձեռքբերումը կլինի քրդերի պատմության ամենակարեւոր իրադարձությունը, հակառակ դեպքում` դրա հետեւանքները կզգան ոչ միայն քրդերը, այլեւ Թուրքիայի բոլոր բնակիչները:

Հիշեցնենք, որ հունիսի 12-ին Թուրքիայում խորհրդարանական ընտրություններ են անցկացվելու: