Խոստանում եմ, որ Սմիթը չի դիմանա մինչև 12-րդ ռաունդը. Արթուր Աբրահամ

Պրոֆեսիոնալ բռնցքամարտի սուպերմիջին քաշային կարգի WBO վարկածով աշխարհի չեմպիոն, հայ բռնցքամարտիկ Արթուր Աբրահամը փետրվարի 21-ին հերթական մենամարտը կանցկացնի` մրցելով բրիտանացի Փոլ Սմիթի հետ: 

Մարզիկներն արդեն մեկ անգամ հանդիպել են նախորդ տարվա սեպտեմբերին: Այդ մենամարտում Աբրահամը հաղթել էր մրցակցին՝ մրցավարների միաձայն որոշմամբ, ինչը դժգոհություն էր առաջացրել Սմիթի և նրա երկրպագուների շրջանում: 
  

«Ես ցանկանում եմ ցույց տալ, թե ով է իրական չեմպիոնը: Նախորդ  մենամարտը Սմիթը լավ անցկացրեց, բայց ես ավելի ուժեղ գտնվեցի նրանից: Ես չեմ հասկանում, թե ինչու է նա բրիտանական լրատվամիջոցներին բողոքում, թե իբր մրցավարները սխալ որոշում են կայացրել: Մրցավարները տարիներով պատրաստվում են այս գործի համար և իրենց արդարացնելու դեպքում են միայն իրավունք ձեռք բերում համաշխարհային մարտեր վարել: Մրցավարների` պատասխանատվությունից խուսափելու համար միայն մեկ միջոց կա, դա նրան նոկաուտով հաղթելն է, ինչը լրացուցիչ խթան է ինձ համար: Իմ երկրպագուները հոգով և սրտով կաջակցեն ինձ: Խոստանում եմ, որ Սմիթը չի դիմանա մինչև 12-րդ ռաունդը»,- Աբրահամի խոսքերն է մեջբերում Boxing Scene-ը: