Ֆրանսիայի Սենատը քվեարկությունից հանեց հայանպաստ օրինագիծը

Ֆրանսիայի հայ համայնքի ներկայացուցիչները Սենատի շենքի առջեւ բողոքի ցույց էին կազմակերպել: Ըստ Ֆրանսիայի Հայ դատի հանձնախմբի ղեկավար Հրաչ Վարժապետյանի` հստակ է, որ Սենատը Թուրքիայի ճնշման տակ է տեղի տվել եւ քվեարկությունից հանել մի օրինագիծը, որը 2006-ին ընդունվել է Ազգային ժողովի կողմից:

Օրինագծին դեմ արտահայտվողները հիմնականում երկու փաստարկ են ներկայացրել. առաջին` որ այն կխոչընդոտի հայ-թուրքական հարաբերությունների կարգավորմանը, երկրորդ` որ այսօրինակ հարցերի քննարկումը անհրաժեշտ է թողնել պատմաբաններին:

Հայ համայնքը շարունակելու է պայքարը.  առջեւում Ֆրանսիայի նախագահական, ապա խորհրդարանական ընտրություններն են: «Այն ժամանակ կնայենք քվեարկության պատկերին»,- ասում են համայնքի ներկայացուցիչները: