Իտալացիները կերել են իրենց ամբողջ ձուկը

Սա կատակ չէ, այլ դառը իրականություն:

Բրիտանական Նոր տնտեսության հիմնադրամի (NEF) տվյալներով`ապրիլի 30-ին Իտալիայում վերջացել են սեփական ջրերից որսված ձկան պաշարները, եւ ներկայումս իտալացիները ներմուծված ձկնատեսակներ են օգտագործում:

Ըստ ուսումնասիրության` մոտ ժամանակներս նույն ճակատագրին են արժանանալու նաեւ Եվրոպայի մյուս երկրները. եվրոպական ծովերում ձկան քանակը գնալով նվազում է, եւ արդեն հուլիսի 2-ից մայրցամաքի երկրները ներմուծված ձուկ են սպառելու:

Կանխատեսումներն արվում են վիճակագրական մոդելավորման հիման վրա. ամեն տարի հաշվարկվում է եվրոպական ջրային տարածքների բնական արտադրողականություն, այնուհետեւ` ձկան սպառումը: