Ս. Զատիկի կապակցությամբ 23 հազար ճագար է սպանվել

Նոր Զելանդիայում Ս. Զատիկի տոնակատարությանը նվիրված բարեգործական որսորդական տոնախմբության ժամանակ սպանվել է ավելի քան 23 հազար ճագար: Ճագարը կամ նապաստակը Արեւմտյան Եվրոպայի մի շարք երկրներում եւ ԱՄՆ-ում համարվում են Զատիկի խորհրդանիշը:

Կենդանիների զանգվածային սպանությունն առաջացրել է բնապահպանների վրդովմունքը: Մինչդեռ «Ճագարների մեծ զատկական որս» ամենամյա միջոցառման կազմակերպիչները պնդում են, որ իրենք ընդամենը օգնում են ֆերմերներին ազատվել ցանքատարածությունների վնասատուներից: Բացի այդ` միջոցառման ընթացքում հանգանակվել է 2600 ԱՄՆ դոլարի նվիրատվություն:

Տոնախմբությանը մասնակցել է 47 թիմ, յուրաքանչյուրում` 12-ական մասնակից Նոր Զելանդիայի տարբեր շրջաններից:

Բնապահպաններին վրդովեցրել է նաեւ այն, որ որսորդները անփորձ են եղել, նրանք պարզապես վիրավորել են շատ ճագարների, որոնք մի քանի ժամ շարունակ տանջվել են հոգեվարքի մեջ: