Օբաման հանձնվել է թուրքական սպառնալիքներին

ԱՄՆ նախագահ Բարաք Օբաման Հայոց Ցեղասպանության հիշատակի օրվան նվիրված իր երրորդ հայտարարության մեջ չկատարեց խոստումը եւ չօգտագործեց «ցեղասպանություն» տերմինը:

ԱՄՆ-ի  Հայ դատի հանձնախումբը, Օբամայի հայտարարությունից անմիջապես հետո հաղորդագրություն   է տարածել, որում մասնավորապես ասվում է. «Օբաման մարդկության դեմ կատարված հանցագործության դատապարտմանն համար տված իր խոստմանը մեկ անգամ եւս դավաճանեց: Չնայած Հայոց Ցեղասպանությունը ճանաչելու նախընտրական խոստմանը, ընտրվելուց հետո նա խուսափողատակ տերմինաբանություն է օգտագործում 1,5 միլիոն տղամարդկանց, կանանց եւ երեխաների սպանությունները նկարագրելու համար:

Օբաման Թուրքիայի ճնշման տակ`հայերին տված խոստումը կատարելու փոխարեն, իր, նախօրոք արտահայտած տեսակետից հեռու է գնացել եւ հանձնվել թուրքական սպառնալիքներին»: