Չնայած Վաշինգտոնի սպառնալիքներին՝ իրանական լցանավերից առաջինը հասել է Վենեսուելայի ափեր

Վենեսուելա վառելիք տեղափոխող իրանական 5 լցանավերից առաջինն արդեն մոտեցել է Վենեսուելայի ափերին. այս մասին հայտնում է Reuters լրատվական գործակալությունը:

Ի պատասխան՝ Վենեսուելայի նախագահ Նիկոլաս Մադուրոն Թեհրանին շնորհակալություն է հայտնել վառելիքի մատակարարման համար։ Նա շեշտել է՝ Իրանն ու Վենեսուելան «երբեք ծնկի չեն իջնի Հյուսիսային Ամերիկայի կայսրության առջև»:

Հիշեցնենք՝ Թեհրանը Կարակասին 1.5 մլն բարել վառելիք է մատակարարում:

Ավելի վաղ ԱՄՆ իշխանությունները քննադատել են գործարքն իրականացնող երկու երկրներին, որոնք գտնվում են ամերիկյան պատժամիջոցների ներքո: Վաշինգտոնը հստակեցրել էր, որ կարող է արձագանքել այս գործարքին: