Իրանը խոստացել է պատախանել ԱՄՆ-ի սպառնալիքներին՝ ուղղված Վենեսուելա ուղարկված լցանավերի դեմ

Իրանի ԱԳՆ ղեկավար Մոհամմադ Ջավադ Զարիֆը դիմել է ՄԱԿ-ի գլխավոր քարտուղար Անտոնիո Գոիտիերեշին, զգուշացնելով, որ Թեհրանը կպատասխանի ԱՄՆ-ին՝ Վենեսուելա ուղարկված վառելանյութ տեղափոխող լցանավերի նկատմամբ սպառնալիքների դեպքում։

«Իրանի ԱԳՆ ղեկավարը նամակում անօրինական, սադրիչ և ծովահենություն է համարել ԱՄՆ սպառնալիքները, հայտարարելով, որ դրանք վտանգ են ներկայացնում տարածաշրջանի համար։ Զարիֆը նաև հայտարարել է, որ ԱՄՆ կառավարությունը պատասխանատվություն է կրում ցանկացած անօրինական գործողությունների համար՝ ընգծելով, որ Իրանն ունի իրավունք անհրաժեշտ միջոցառումներ ձեռնարկել այդ սպառնալիքների դեմ», - նշվում է Իրանի ԱԳՆ հայտարարության մեջ։

Բացի այդ, Իրանի ԱԳՆ է կանչվել Շվեյցարիայի դեսպանը, ով ներկայացնում է նաև ԱՄՆ-ի շահերը Թեհրանում։ ԱԳՆ փոխնախարար Աբբաս Արաքչին խնդրել է Վաշինգտոնին փոխանցել իրանական իշխանությունների նախազգուշացումները։

Հիշեցնենք, որ Իրանը վառելանյութ տեղափոխող 5 լցանավ է ուղարկել վառելիքային ճգնաժամի մեջ գտնվող Վենեսուելա, որին զուգահեռ ԱՄՆ ռազմածովային ուժերը մի քանի ռազմանավ էին տեղակայել Կարիբյան ծովում։