Վերամբարձ կռունկը` շրջվելու վտանգի առաջ

Ապրիլի 12-ին՝ ժամը 22.15-ին, ահազանգ է ստացվել, որ Երևանի Չեխովի փողոցի թիվ 48/27 շենքի հարակից տարածքում վերամբարձ կռունկը թեքվել է և հնարավոր է շրջվի:

Ինչպես տեղեկացնում է «Արտակարգ ալիքը», դեպքի վայր է մեկնել ճգնաժամային կառավարման կենտրոնի օպերատիվ խումբը:

Տեղում պարզվել է, որ տարածքում իրականացվում է բնակելի շենքերի շինարարություն (նախնական տվյալներով` «Միկա» շինարարական կազմակերպության կողմից), եւ թեքված վերամբարձ կռունկը սպառնում է մոտակա նորակառույց, չբնակեցված շենքին:

Շինարարություն իրականացնող կազմակերպության պատասխանատու անձանց հետ պայմանավորվածություն է ձեռք բերվել, որ տարածքն անհապաղ փակվի և կռունկի շրջման վտանգը վերացվի: Դեպքի վերաբերյալ կտրվի լրացուցիչ տեղեկատվություն: