Sony-ին նոր PSP կթողարկի

Sony ընկերությունը կթողարկի նոր PlayStation Portable-ի (PSP) տարբերակ, որի կոդավորված անունը NGP  է (Next Generation Portable): Այն նվիրված է լինելու Ճապոնիայում տեղի ունեցած բնական աղետներին, որոնք մեծ ազդեցություն ունեցան ընկերության արտադրության վրա. գրում է Bloomberg-ը:

Նախատեսվում էր, որ Sony-ի նոր PlayStation Portable-ը այս տարվա վերջում` նախաամանորյա օրերին վաճառքի կհանվի ԱՄՆ-ում, Եվրոպայում եւ Ասիայում, սակայն այն շուկա դուրս կգա միայն մեկ տարածաշրջանում: Այս մասին հայտնել է Sony Computer Entertainment of America-ի նախագահ Ջեք Թրեթոնը: Սակայն ո՞ր տարածաշրջանում կվաճառվի նորույթը, դեռ հայտնի չէ:

Վերլուծաբանները նշում են, որ PlayStation Portable-ի նոր տարբերակի ուշացումը կարող է թուլացնել ընկերության դիրքերը եւ շուկան գրավելու առավել լայն հնարավորություններ տալ մրցակիցներին:

Wedbush Securities-ի վիդեոխաղերի փորձագետ Էդվարդ Վուն օրինակ է բերել Nintendo-ի 3DS շարժական խաղը, որն արդեն վերջին երկու ամիսների ընթացքում ճանաչում է ձեռք բերել ԱՄՆ-ում, Ճապոնիայում եւ Եվրոպայում:

«Եվ սա մեծացնում է մրցակցային այն խնդիրները, որոնց Sony-ին կբախվի: Ինչպես արդեն երեւում է, մոտ 8 ամսով նա հետ է մնում Nintendo-ից, եւ այս ուշացումը կարող է նույնիսկ մեկ տարի էլ լինել»,- ասել է Վուն: