Այաթոլլաներն ընդդեմ Ահմադինեժադի

Արդեն երկրորդ տարին է, որ Նովրուզի տոնակատարություններն Իրանում անցկացվում են երկրի նախագահի հովանու ներքո:

Այս տարվա միջոցառմանը, որը կայացավ Թեհրանում մարտի 26-27-ը, Իսլամական Հանրապետության նախագահ Մահմուդ Ահմադինեժադի հրավերով մասնակցում էին միայն հինգ երկրների առաջնորդներ՝ Հայաստանի, Աֆղանստանի, Տաջիկստանի, Թուրքմենստանի և Իրաքի նախագահները, թեեւ հրավեր էր ուղարվել երկու տասնյակ երկրների ղեկավարների:

Քանի որ Նովրուզը (պարսկերենից թարգմանաբար՝ Նոր օր) որևէ կապ չունի իսլամի, մուսուլմանության հետ, Իրանի հոգևորականությունը՝ այաթոլլաները, չեն ողջունում Մահմուդ Ահմադինեժադի նախաձեռնությունը՝ կարևորություն տալ Նովրուզին և անգամ անցկացնել միջազգային տոնակատարությունների մակարդակով:

Ուշագրավ է, որ Իրանի կրոնապետը` այաթոլլա Ալի Խամենեին, ով երկրի իրական ղեկավարն է, չի հանդիպել Թեհրանում գտնվող հինգ երկրների նախագահներից և ոչ մեկի հետ:

Ի դեպ, Ադրբեջանը Թեհրանի Նովրուզի միջազգային տոնակատարությաններին մասնակցել է փոխնախարարի մակարդակով, ընդ որում այդ երկրում էլ է նշվում Նովրուզը (Նովրուզ բայրամ), թեեւ տոնը ոչ մի կապ չունի ոչ միայն իսլամի, այլեւ թուրքական ժողովուրդների ազգային տոների հետ: