Պայթյուն` ճապոնական ատոմակայանում

Ճապոնիայի կառավարության որոշմամբ` «Ֆուկուսիմա-1» եւ «Ֆուկուսիմա-2» ատոմակայանների շուրջ բնակչության տարհանման գոտին մեծացվել է 20 կիլոմետրով: Որոշումը կայացվել է «Ֆուկուսիմա-1»-ում տեղի ունեցած պայթյունի կապակցությամբ. տեղեկացնում է «Նովոստի» գործակալությունը:

Երկրաշարժից հետո ատոմակայաններում հայտարարվել էր արտակարգ դրություն` սառեցման համակարգի շարքից դուրս գալու պատճառով: Մասնագետներին հաջողվել էր դուրս բերել «Ֆուկուսիմա-1»-ի ռեակտորի պաշտպանիչ թաղանթում հավաքված գազի մի մասը` այդպիսով վերացնելով քայքայման վտանգը:

Սակայն առավոտյան ատոմակայանում պայթյուն է տեղի ունեցել, 4 մարդ վիրավոր է: Ատոմակայանի սահմանին ռադիացիոն ֆոնը գնալով բարձրանում է: