Բակո Սահակյանը հանդիպել է ՀՅԴ պատգամավորների հետ

Արցախի նախագահ Բակո Սահակյանն այսօր հանդիպում է ունեցել Ազգային ժողովի «Դաշնակցություն»  խմբակցության անդամների հետ:

Ինչպես տեղեկացնում է նախագահի աշխատակազմի տեղեկատվության գլխավոր վարչությունը, հանդիպման ընթացքում արծարծվել է հանրապետության կենսագործունեության տարբեր ոլորտներին վերաբերող հարցերի լայն շրջանակ:

Նախագահը  կարեւորել է խորհրդարանում ընդգրկված քաղաքական ուժերի դերը այդ հարցերի լուծման գործում եւ ընդգծել նրանց միջեւ համագործակցության խորացման անհրաժեշտությունը: Նախագահը ներկաների ուշադրությունը հրավիրել է նաեւ բանակ-հասարակություն կապերի ընդլայնման վրա:

   
Բակո Սահակյանը հավելել է, որ նման ձեւաչափով քաղաքական խորհրդակցությունները կկրեն պարբերական բնույթ: