Վթարի է ենթարկվել Կարեն Ջանիբեկյանի ավտոմեքենան /տեսանյութ/

Այսօր առավոտյան Գարեգին Նժդեհի փողոցում «Նիսան» մակնիշի ավտոմեքենան բախվել է ոստիկանության Շենգավիթի բաժնի պատին:

Ինչպես հայտնում է ֆոտոլրագրող Գագիկ Շամշյանը, ավտոմեքենան պատկանում է դերասան Կարեն Ջանիբեկյանին, ով եղել է  վթարի վայրում  եւ հեռացել է այն ժամանակ, երբ ոստիկանության փորձագետները սկսել են քննչական եւ փորձագիտական աշխատանքներ իրականացնել:

Պարզվել է, որ Ջանիբեկյանը ավտոմեքենան թողել է Մայիսի 9-ի փողոցում գործող ավտոլվացման կետում: Դրա աշխատակից` 21-ամյա Արթուր Գագիկի Ազատյանը, ավտոմեքենան լվանալուց հետո, սկսել է ապօրինի շահագործել այն եւ բախվել է ոստիկանության շենքի պատին: Այս պահին Ա. Ազատյանը գտնվում է ոստիկանության Շենգավիթի բաժնում:

Տեսանյութը դիտել այստեղ

Ֆոտոռեպորտաժը եւ տեսանյութը` Գագիկ Շամշյանի