Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Հունվարի 1-ից Ղարաբաղի բնակչության համար անվճար հեռարձակվող հեռուստաալիքների սահմանափակմանը հաջորդել է հանրապետական սփռման, ընդհանուր ուղղվածության հեռուստածրագրերի եթերային հեռարձակման լիցենզավորման մրցույթը:
Այսօր ԼՂՀ հանրային ծառայությունները եւ տնտեսական մրցակցությունը կարգավորող պետական հանձնաժողովն ընդունել է համապատասխան որոշում, ըստ որի՝ 590-606, 614-622, 638-686 եւ 702-750 ՄՀց հաճախություններով հեռարձակման լիցենզավորման մրցույթ է հայտարարվում:
Մրցույթին կարող են մասնակցել իրավաբանական անձ հանդիսացող մասնավոր հեռուստաընկերությունները: Լիցենզիայի վճարը, ըստ որոշման, 200 հազար դրամ է:
Հանրային ծառայությունները եւ տնտեսական մրցակցությունը կարգավորող պետական հանձնաժողովի նախագահ Հակոբ Ղահրամանյանի խոսքերով՝ սա առաջին մրցույթն է, որով նպատակ ունեն մրցակցության գաղափարը մտցնել նաեւ այդ բնագավառ:
Հանձնաժողովի նախագահը «Երկիրի» թղթակցին հայտնեց, որ մրցույթը բաց է նաեւ հայաստանյան հեռուստաընկերությունների համար:
Ի դեպ, ԼՂՀ կառավարությանն առընթեր արտադրական ենթակառուցվածքների վարչությունում տեղեկացրին, որ Ղարաբաղում գրանցված մասնավոր հեռուստաընկերություն չկա. հանրապետությունում գործում է միայն Արցախի հանրային հեռուստառադիոընկերությունը: