Եգիպտոսի նախագահը ապաստան է խնդրում

Եգիպտոսի ընդդիմության կոչով հազարավոր մարդիկ հավաքվել են Կահիրեի Թահրիր հրապարակում, որտեղ տեղի է ունենալու բողոքի աննախադեպ ակցիա. տեղեկացնում է «Նովոստի» գործակալությունը: Սպասվում է, որ միայն քաղաքի կենտրոնում ցուցարարների թիվը հասնելու է միլիոնի:

Եգիպտոսի զինված ուժերի ներկայացուցիչները վստահեցրել են, որ զանգվածային երթի ժամանակ ժողովրդի նկատմամաբ ուժ չի կիրառվի. տեղեկացնում է «Ֆրանս պրես» գործակալությունը:

Իսկ բրիտանական լրատվամիջոցներում տեղեկություններ են հայտնվել, որ Եգիպտոսի նախագահ Հոսնի Մուբարաքը իրեն ապաստան տրամադրելու հարցով բանակցություններ է վարում Մեծ Բրիտանիայի և Միացյալ Նահանգների իշխանությունների հետ: