Փոխարժեքներ
03 04 2025
|
||
---|---|---|
USD | ⚊ | $ 391.16 |
EUR | ⚊ | € 422.18 |
RUB | ⚊ | ₽ 4.6495 |
GBP | ⚊ | £ 505.97 |
GEL | ⚊ | ₾ 141.47 |
«Եթե երկիրն ուզում է ներքին արտադրողի շահերը պաշտպանել, ապա պետք է արտաքին արտադրողի համար որոշակի դժվարություններ և հոգսեր ստեղծի, այդ թվում`մաքսային քաղաքականության շնորհիվ»,- այսօր լրագրողների հետ հանդիպման ընթացքում, խոսելով մաքսատուրքի ավելացման մասին, ասաց ՀՀԿ պատգամավոր Մկրտիչ Մինասյանը:
Հայրենական արտադրողների միության նախագահ Վազգեն Սաֆարյանն էլ հակադարձեց, ասելով, որ մաքսային բարեփոխումներն անհրաժեշտ են, բայց ոչ կոշտ քաղաքականություն իրականացնելով: «Պետք է հարկային, մաքսային արտոնություններ տրամադրվեն, ազատ տնտեսական գոտիներ լինեն: Շատ ձեռներեցներ, գործարարներ սպասում են, որ հարկային արտոնությունների պարագայում թեթև արդյունաբերությունը Հայաստանում զարգացնեն»,- ասաց Վազգեն Սաֆարյանը` շեշտելով` ինքը կողմ է, որ տեղական արտադրությունը զարգանա:
Նրա համոզմամբ` հնարավոր է, որ այս քայլով կառավարությունը փորձում է խրախուսել տեղական արտադրությունը, բայց մինչև այդ հարկավոր էր համապատասխան քայլեր ձեռնարկել: