Կողմ ու դեմ քաղաքապետի որոշմանը

Փողոցային առևտուրն արգելելու մասին Երևանի քաղաքապետի որոշումը պետք է ընդունել որպես բացարձակ ճշմարտությունը. այսօր լրագրողների հետ հանդիպման ժամանակ նշեց ՀՀԿ-ական պատգամավոր Մկրտիչ Մինասյանը: Ըստ հանրապետական պատգամավորի` ճիշտ չէ  2000-3000 մարդկանց խնդիրները լուծելու համար վտանգել ամբողջ բնակչության առողջությունը:

Հանդիպմանը մասնակցող Հայաստանի հայրենական ապրանք արտադրողների միության նախագահ Վազգեն Սաֆարյանը հակադարձեց. «Չնայած մենք կողմ ենք քաղաքակիրթ առևտրին, բայց լավ օրից չէ, որ ամեն մեկը մի փողոցային առևտուր է կազմակերպում»:

Վազգեն Սաֆարյանի համոզմամբ` նման որոշում կայացնելուց առաջ հարկավոր էր մտածել այդ մարդկանց աշխատատեղերով ապահովելու մասին: