Ժաննա Շինարարի խորհրդականը չի տարբերում նախարարության վարչությունները

Hraparak.am-ի հետ զրույցում Գորիսի պետական և գյուղատնտեսական քոլեջների միավորմանն ու դասադուլին է անդրադարձել ԿԳՄՍ նախարար Ժաննա Անդրեասյանի (ակադեմիական քաղաքի «կառուցումից» հետո հայտնի որպես Ժաննա Շինարար) խորհրդական Արտաշես Թորոսյանը: 

Խորհրդականի անտրամբանական պատասխաններին չենք անդրադառնա, սակայն նշենք մի դրվագ: 

Ըստ Թորոսյանի՝ քոլեջների միավորմամբ զբաղում է նախարարության հանրակրթության վարչությունը: 

Yerkir.am-ը պարզեց, որ իրականանում հանրակրթության վարչությունը որևէ կապ չունի քոլեջների միավորման հետ: Դրանով զբաղվում է մասնագիտական կրթության և ուսուցման վարչությունը:

Ուղղակի զավեշտ է, երբ ԿԳՄՍ նախարարի խորհրդականը չի տարբերում վարչություններն ու գործառույթները: Ուստի ժամանակն է ԿԳՄՍ նախարար տիկին Ժաննային տեղափոխել իրեն հարազատ ոլորտ՝ Քաղաքաշինության կոմիտեի նախագահի պաշտոնում: