Կարապետիչն անցնելու է վճռական գործողությունների

Փետրվարի 28-ից Ժողովրդական կուսակցության նախագահ Տիգրան Կարապետյանն անցնելու է վճռական գործողությունների: Սակայն մինչ այդ, իրենք գրավոր վերջնագիր են ներկայացնելու իշխանություններին` արտահերթ ընտրությունների պահանջով:  Այդ մասին այսօր լրագրողների հետ հանդիպման ընթացքում հայտնեց Տիգրան Կարապետյանը: Նա նշեց, որ ի տարբերություն ՀԱԿ-ի, ովքեր նախագահի հրաժարականն են պահանջում, իրենց համար առաջնայինն արտահերթ խորհրդարանական ընտրությունների անցկացումն է:

«Եթե մենք կարողանանք իրազեկել հանրությանը, մեզ կմիանա ոչ միայն Հայաստանը, այլեւ ինչու չէ, նաեւ սփյուռքը»,- համոզված է Տիգրան Կարապետյանը:

Նա տեղեկացրեց, որ վերջին հանրահավաքից հետո Ժողովրդական կուսակցություն են  մտել 1200 հոգի,սակայն Կարապետյանի համոզմամբ` ողջ Հայաստանն է իրեն համակիր, քանի որ «ժողովրդի համբերության բաժակն արդեն լցվել է»: