Միայնակ Բատկոն

Այսօր տոն է Բելառուսի նախագահ Ալեքսանդր Լուկաշենկոյի համար. ժամը 14:50-ին Հանրապետության պալատում սկսվել է նրա երդման արարողությունը: Սակայն հանդիսությանը չեն մասնակցելու ո'չ Ռուսաստանի նախագահ Դմիտրի Մեդվեդեւը, ո'չ եվրոպական երկրների առաջնորդները, ո'չ էլ Եվրամիության պետությունների պաշտոնյաները: 

Բելառուսի լիդերի երդման արարողությունն անտեսելու որոշումը ավելի վաղ ընդունել էին ԵՄ բոլոր 27 երկրները, եւ այդ մասին նախօրեին հայտարարեց Եվրահանձնաժողովի լիազոր ներկայացուցիչ Մայա Կոցյանչիչը:

Ռուսաստանից միջոցառմանը կմասնակցի Բելառուսում ՌԴ ներկայացուցիչ Ալեքսանդր Սուրիկովը: Նա պաշտոնական հրավեր է ստացել տեղի իշխանություններից: