Մեդվեդեւը հրավիրված չէ Լուկաշենկոյի երդման արարողությանը

Ռուսաստանի նախագահ Դմիտրի Մեդվեդեւը չի գնալու Մինսկ` Ալեքսանդր Լուկաշենկոյի երդման արարողությանը: Արարողության ժամանակ Ռուսաստանը ներկայացնելու է Բելառուսիայում ՌԴ-ի դեսպան Ալեքսանդր Սուրիկովը: Նա է մասնակցության հրավերը ստացել:

Լուկաշենկոյի երդման արարողությունը տեղի է ունենալու հունվարի 21-ին` Մինսկում: Հոկտեմբերի վերջին Մեդվեդեւն իր բլոգում տեսահոլովակ էր տեղադրել, որում Լուկաշենկոյի հանդեպ աննախադեպ սուր քննադատությամբ էր հանդես գալիս:

Մասնավորապես` Մեդվեդեւը հայտարարել էր, թե Լուկաշենկոն իր նախընտրական քարոզարշավը հակառուսական գաղափարների հիման վրա է կառուցելու:

Սակայն ընտրություններից մի քանի օր առաջ Լուկաշենկոն լրագրողներին հայտնել էր, թե հաշտվել է իր ռուս գործընկերոջ հետ:

Հիշեցնենք, որ նրա նախագհ ընտրվելու մասին լուրը հաղորդելուց հետո զանգվածային անկարգություններ էին եղել մայրաքաղաքում, ձերբակալվել են ընդդիմադիր գործիչներ:

Լուկաշենկոյի մրցակիցներից շատերն էլ ներկայումս ազատազրկված են: Այս իսկ պատճառով Բելառուսիայում Եվրամիության երկրների դեսպանները չեն մասնակցելու նրա երդման արարողությանը:

Այս մասին գրում է Газета.ru-ն: