Վավերացումը կփակի ԱՄՆ Կոնգրեսում հայկական նախագծի ճանապարհը

"Հայաստանի հետ ստորագրված արձանագրությունները մոմի լույսով ենք փնտրելու". իր հոդվածում գրել է վերլուծաբան, նախկին դեսպան Մեհմեդ Ալի Բիրանդըª անդրադառնալով  ԱՄՆ Կոնգրեսում հայկական բանաձեւերից ազատվելու խնդրին£ Նրա կարծիքով, այդ մնայուն սպառնալիքից ազատվելու միակ ուղին արձանագրությունների վավերացումն է£ Թուրք վերլուծաբանը շեշտել է, թե հաջորդ տարի հայկական նոր նախագիծ կհայտնվի Կոնգրեսում£

"Եթե հաջորդ տարվանն էլ չանցնի, մյուս տարի նորը կհայտնվի եւ այսպես շարունակ£ Մինչ 2015-ը` Ցեղասպանության 100-ամյակը, այդ ճնշումը շարունակվելու է£ Եթե մենք մեզ չխաբենք ու անկեղծ լինենք, ապա պետք է ընդունենք, որ Անկարան չկարողացավ կյանքի կոչել արձանագրությունները£ Թուրքիայի արտգործնախարարությունը ադրբեջանցիներին չի կարողացել լավ բացատրել, կամ էլ ադրբեջանցի մեր եղբայրները լուրջ չեն ընդունել£ Թուրքիան չկարողացավ կոտրել Ալիեւին եւ խոնարհվեց Բաքվի առաջ£ Այժմ Անկարան հազար անգամ փոշմանել է£ Մինչեւ չկարողանանք արձանագրությունները վերակենդանացնել, հայկական բանաձեւերից անհնար է ազատվել",- ընդծել է Բիրանդը£