ՀՀ ԱԺ-ի կողմից Հռոմի կանոնադրության վավերացումը ոչ բարեկամական քայլ է Պուտինի նկատմամբ․ Վորոբյով

Հայաստանի խորհրդարանի կողմից Միջազգային քրեական դատարանի Հռոմի կանոնադրության վավերացումը չի խաթարի Ռուսաստանի և Հայաստանի ժողովուրդների դարավոր բարեկամությունը, սակայն նման որոշումը ոչ բարեկամական քայլ է ՌԴ նախագահ Վլադիմիր Պուտինի նկատմամբ։ «Ռիա Նովոստի»-ի փոխանցմամբ, այս մասին ասել է  Դաշնության խորհրդի փոխխոսնակ Յուրի Վորոբյովը:

Նշենք, որ այսօր՝ հոկտեմբերի3-ին, ՀՀ Ազգային ժողովը վավերացրել է Հռոմի ստատուտը։

«Ես վստահ եմ, որ ոչ մի ուժի չի հաջողվի ոչնչացնել ռուս և հայ ժողովրդի դարավոր բարեկամությունը», - նշել է Վորոբյովը:

Միևնույն ժամանակ նա ասել է, որ այս որոշումն ընկալվում է որպես ոչ բարեկամական քայլ ՌԴ նախագահ Վլադիմիր Պուտինի նկատմամբ։

Հիշեցնենք, որ Հայաստանի Ազգային ժողովը 60 կողմ, 22 դեմ ձայներով, վավերացրեց Հռոմի ստատուտը։