47-ամյա տղամարդու խելառ, բայց ամանորյա ցանկությունը

Բրիտանական Ուիլտշիր կոմսության բնակիչ Էնդի Պարկը որոշել է ամուսնանալ... տոնածառի հետ, գրում է The Sun-ը:

47-ամյա Պարկը աշխարհում ամենից առավել իր տոնածառն է սիրում: «Լսել եմ` մարդիկ ամուսնանում են իրենց տան կենդանիների հետ: «Ինչո՞ւ չեմ կարող կողակից ընտրել եղեւնին»,- ասել է նա:- Իմ ծառի համար արդեն մատանին ունեմ, ճիշտ է, դեռ չգիտեմ` որ ճյուղից կախել»:

Էնդին ասել է, թե մտադիր է ավանդական հարսանեկան արարողություն կազմակերպել: Նա միակ լուրջ դժվարություն է համարում հոգեւորականի որոնումը, ով կհամաձայնի հարսանեկան ծես կատարել: Էդին պատմել է, որ Ծննդյան տոներն սկսել է նշել 1993-ին, երբ տխուր էր ու կյանքից ձանձրացած: