Wikileaks-ը սպառնում է

Wikileaks-ի կողմից արդեն իսկ բացահայտված 607 փաստաթուղթը խոստացված բացահայտումների չնչին տոկոսն է: Հայտնի էլ չէ, թե ինչ գաղտնիքներ կան, երբ են բացահայտվելու:

Սպասողական վիճակում են շատերը. «Ինչպես ռուսական ասացվածքն է ասում մահվան սպասելը մեռնելուց վատ է»,- ասաց տեղեկատվական անվտանգության փորձագետ Տիգրան Քոչարյանը:

«Երկիր»-ի այն հարցին, թե սովորաբար աղմուկ բարձրացնելու  քաղաքական տեխնոլոգիան կիրառվում է հասարակության ուշադրությունը կարեւոր հարցերից շեղելու համար եւ այս դեպքում հավանակա՞ն է, որ վիկիլիքսյան այս հեղեղն էլ նման միտում ունի, Տ. Քոչարյանը պատասխանեց.

«Իմ կարծիքով, այո, շեղում են, այս ընթացքում ինչ-որ բաներ կանեն: Ինչ-որ գլոբալ հարց են փորձում լուծել: Լրիվ փոխել են մեդիա դաշտի կառուցվածքը: Wikileaks-ով ինֆորմացիոն դաշտը սպանել են: Ոչ մեկին այլ բան չի հետաքրքում: Սերիալ է դարձել եւ բոլորը սպասում են, թե այսօր ինչ սերիա է լինելու»: