Պակիստանում ինքնաթիռ է վթարի ենթարկվել

Երեկ Պակիստանում Կարաչի նավահանգստային քաղաքում ինքնաթիռ է վթարի ենթարկվել, ինչի հետևանքով առնվազն ութ մարդ է զոհվել:

Բեռնափոխադրող ինքնաթիռը Ջինա Կարաչի միջազգային օդանավակայանից օդ է բարձրացել ժամը 01:45-ին՝ ուղղությունը դեպի Սուդան: Մի քանի րոպե հետո այն իջել է Կարաչիի «Gulistan-e Johar» բաժնում: Պակիստանի իշխանությունները հայտարարել են, որ օդաչուն փորձել է ինքնաթիռը որքան հնարավոր է քիչ բնակեցված վայրում իջեցնել: «Եթե ինքնաթիռն ավելի մարդաշատ vայրում ընկներ, դա Կարաչի քաղաքի համար մեծ դժբախտություն կլիներ»,- ասել է Կարաչի շրջանի պաշտոնյա Մասուդ Ռազան:

Զոհվածները ութն էլ ինքնաթիռի անձնակազմի անդամ են եղել և բոլորն էլ ազգությամբ ռուս են եղել: