Պոռնիկներ` ՆԱՏՕ-ի վեհաժողովի վրաց պատվիրակության խնջույքում

ՆԱՏՕ-ի լիսաբոնյան վեհաժողովին մասնակցող վրացական պատվիրակության անդամները հյուրանոցում գինարբուք են կազմակերպել, որին հրավիրել են 80 պոռնիկների։ Այս մասին հայտնում է պորտուգալական Correio da Manha օրաթերթը։

Թերթի տվյալներով, երեկոյին միացել են նաև Հայաստանի պատվիրակության անդամները։ Աղմուկը խանգարել է հյուրանոցի հարևան համարում հանգրվանած Ֆրանսիայի նախագահ Նիկոլա Սարկոզիին։ Հրապարակումից դատելով՝ հենց նրա Սարկոզիի միջամտությունից հետո խնջույքն ընդհատվել է։

Վրաստանի ԱԳՆ-ն չի մեկնաբանել այս միջադեպը: Հայտարարել է, թե այդ մասին տեղեկություններ չունի։ Միաժամանակ, ինչպես գրում է Georgia Times-ը, Վրաստանի փոխխոսնակ, ընդդիմության ներկայացուցիչ Լևան Վեփխվաձեի կարծիքով՝ լրատվամիջոցներում հայտնված տեղեկատվությունը հետաքննություն է պահանջում։

Հայաստանի արտաքին գործերի նախարարությունն, իր հերթին, ինչպես տեղեկացնում է «Ինտերֆաքս» գործակալությունը, նման երեկույթին հայկական պատվիրակության մասնակցության մասին տեղեկատվությունը աբսուրդ է համարել։