Եղբայր եմ ուզում, մայրս խոստացել էր` եթե հաղթեի. Վլադիմիր Արզումանյան

 «Մանկական Եվրատեսիլ - 2010» երգի մրցույթում հաղթանակած Վրալդիմիր Արզումանյանը մրցույթի անմիջապես ավարտից հետո տված մամլո ասուլիսում ասել է, որ մրցույթի նախօրեին երազ է տեսել, որտեղ շատ դժվար օր է ունեցել, սակայն արդյունքում հաղթել է:

Նրա մայրը,որ  ներկա էր ասուլիսին , ասել է, որ շատ հպարտ է Վլադիմիրով, և իր համար հաղթանակն ավելի մեծ արժեք ունի, քանի որ « նա Հայաստանի փոքր գյուղից է»:

Վլադիմիրը շատ անկաշկանդ և ազատ շփվել է լրագրողների հետ, նույնիսկ անկեղծացել, որ շատ է հավանել Սերբիայի ներկայացուցիչ Սոնիային և այդ մասին արդեն խոստովանել է նրան:

Այն հարցին, թե ինչ կցանկանար որպես նվեր, Վլադիմիրը պատասխանել է. «Եղբայր եմ ուզում, մայրս խոստացել էր` եթե հաղթեի»:

Եվ չնայած այս հաղթանակին, Վլադիմիրն իրեն աստղ չի համարում. «Աստղերը երկնքում են, ես ընդամենը մարդ եմ»,-ասել է նա: