Եվրոպական խորհրդի նախագահը կմասնակցի Անկարայում ՆԱՏՕ-ի գագաթնաժողովին

Եվրոպական խորհրդի նախագահ Անտոնիու Կոշտան կմասնակցի Անկարայում հուլիսի 7-8-ը կայանալիք ՆԱՏՕ-ի գագաթնաժողովին: Այս մասին հաղորդել է Եվրոպական խորհրդի մամուլի ծառայությունը:

«Եվրոպական խորհրդի նախագահ Անտոնիու Կոշտան հուլիսի 7-8-ը կայցելի Անկարա։ Երեքշաբթի օրը (հուլիսի 7-ին) նա կմասնակցի ՆԱՏՕ-ի ղեկավարների ընթրիքին։

Չորեքշաբթի օրը (հուլիսի 8-ին) Եվրահանձնաժողովի նախագահ Ուրսուլա ֆոն դեր Լայնեի հետ միասին նա կհանդիպի Թուրքիայի նախագահ Ռեջեփ Թայիփ Էրդողանի հետ», – նշված է հաղորդագրության մեջ:

Էրդողանի հետ հանդիպման ընթացքում Կոշտան և ֆոն դեր Լայենը կքննարկեն ԵՄ-Թուրքիա երկկողմ հարաբերությունները։

Ավելի վաղ ԱՄՆ նախագահ Դոնալդ Թրամփը հայտարարել էր, որ Ռուսաստանը և Ուկրաինան ցանկանում են վերջ դնել հակամարտությանը, այս հարցը կլինի ՆԱՏՕ-ի առաջիկա գագաթնաժողովի օրակարգում։