Թուրքիան պատրաստ է ընդունել ՌԴ-Ուկրաինա բանակցությունների նոր փուլը

Թուրքիան հայտարարել է, որ պատրաստ է կազմակերպել Ռուսաստանի և Ուկրաինայի միջև բանակցությունների նոր փուլը, եթե երկու կողմերից հստակ ազդակ ստանա նման պատրաստակամության վերաբերյալ։

Այս մասին ՌԻԱ Նովոստի գործակալությանը հայտնել է թուրքական իշխանություններին մոտ կանգնած աղբյուրը։

Անկարան շարունակում է պատրաստակամ մնալ աջակցելու հակամարտության դիվանագիտական կարգավորմանը և համոզված է, որ երկարաժամկետ խաղաղության հասնելու միակ ճանապարհը երկխոսությունն է։

«Եթե կողմերը հստակ ցանկություն ցուցաբերեն բանակցելու, ապա Թուրքիայում կազմակերպումը երկար ժամանակ չի պահանջի։ Մեր երկիրն ունի անհրաժեշտ փորձը և պատրաստ է կրկին հարթակ տրամադրել երկխոսության համար», - նշել է աղբյուրը։